BOWFINGER INTERNATIONAL PICTURES 2003 urte hasieran sortu zen ekoiztetxe zinematografikoa da. Donostian eta Madrilen kokatuta dago eta ikuspegi internazionala duten esparru nazionalerako proiektuak garatu eta ekoizteaz gain, know how nahikorik ez duten edo tokia, zein negozioa ondo ezagutzen ez duten enpresentzako ekoizpen zerbitzuak edo serviceak ere ematen ditu. Beste produktora batzuek ekoitzitako film luzeentzako aholkularitza lanak eta komunikazio estrategiak ere diseinatzen ditu.

María Luisa Gutiérrez eta Santiago Segura ekoizleek zuzenduta dago eta sektoreko hainbat forotan parte hartzen du, besteak beste, FAPAEren kide den EPE-APV, euskal produktoreen elkartean.

Ezer gutxi esan beharra dago Santiago Segura bazkide nagusiaren inguruan, bere aktore, zuzendari eta ekoizle lan aski ezaguna baita. María Luisa Gutiérrez, bigarren bazkide nagusia, 1999az geroztik Santiago Seguraren errepresentazio artistikoaz zein enpresaren kudeaketaz arduratu da. Egun, AMA elkarteko lehendakariordea da eta Zientzia Zinematografikoen Akademiako zuzendaritza taldeko kidea ere bada.

Kalitatea eta komertzialtasuna uztartzen duten, publiko zabalari zuzendutako zinemarako film luzeak ekoizten ditugu. 2017an Argentinako film arrakastatsuenetako bat ekoitzi genuen: Ricardo Darín, Leonardo Svaraglia eta Laia Costa protagonista dituen NIEVE NEGRA (Elur Beltza) zein Diego Perettik, Diego Torresek eta Santiago Segurak protagonizatzen dituen CASI LEYENDAS (Ia mitoak) eta Peter Lanzani, Arancha Martí Martín, Gerard Depardieu, Hugo Silva eta Santiago Segura agertzen diren SOLO SE VIVE UNA VEZ (Behin bakarrik bizitzen da). Orain, Santiago Segurak zuzendutako SIN RODEOS (Itzulinguru gabe) eta Gustavo Hernándezen NO DORMIRAS (Ez duzu lorik egingo) filmeen postprodukzioan murgilduta gaude. Argentinarekin batera ekoitzitako PERDIDA (Galduta), Sergio Barrejónen JEFE (Nagusia), Mediasetekin koproduzitutako OLA DE CRÍMENES (Krimen bolada) eta Telefónica Studiosekin koproduzitutako AJEDREZ PARA TRES (Hirurentzako xakea) filmak errodatzen ari gara.

Komunikazio lanei dagokienez, zuzendarien esperientzia ez ezik, formakuntza eta eskarmentu maila altuko kanpoko profesionalekin ere lan egiten dugu, proiektu bakoitzaren ezaugarriak kontuan hartuta.

Marilu6421

Maria Luisa Gutierrez

1973an jaio zen Guadalajaran. 1994an bukatu zituen Enpresa Ikasketak Madrileko Complutense Unibertsitatean. Marketing eta merkaturatzean espezializatu zen eta geroztik, hainbat master egin ditu. Garrantzitsuena, 2007an egin zuen IESEko Zuzendaritza Orokorreko Programa da.

Bere ibilbide profesionalean, aipagarria da, 2004az geroztik Amiguetes Enterainment, Amiguetes Enterprises eta Bowfinger International Pictures enpresen Zuzendari Orokorra dela. Ekoizle lanak egiteaz gain, urte horietan eginiko filmen komunikazioaz ere arduratu da.

Zinema industrian, Marea Filmsen controller edo kutxazain-ordaintzaile lanean hasi zen. Ekoizpen zuzendari izan baino lehenago, Isla Negra, Airbag, Go For Gold! zein The Impostor filmen kostuaren kontrolaz arduratu zen.

Torrente 2 Misión en Marbella; Asesino en Serio, Una de Zombis, Promedio Rojo, El asombroso mundo de Borjamari y Pocholo, Torrente 3 El Protector, La máquina de Bailar, Torrente 4 Lethal Crisis eta Torrente 5 Operación Eurovegas filmen Ekoizpen Zuzendaria eta Ekoizpen Eragilea izan da.

Ekoizle eragilea ez ezik, honako filmen Ekoizlea ere izan da: TENSIÓN SEXUAL NO RESUELTA, TRES 60, SÓLO SE VIVE UNA VEZ, CASI LEYENDAS, NIEVE NEGRA, LAS GRIETAS DE JARA, SIN RODEOS eta NO DORMIRÁS. Orain,

ICAAko diru-laguntzen komiteko kidea izan da. Egun, Zientzia Zinematografikoen Akademiako zuzendaritza taldeko kidea da eta European Film Academy-ko kidea ere bada.